تضحك!
هاذي اخرتها ! هاذي اخرتها !
جمعتوالنا 300 قطو بالشارع وسميتوها ثورة !
يا اخوان
الثورة تحتاج موضوع و قضية يثورون علشانه انما تجمعكم ماله اي قضية !
الثورة تحتاج اجماع او اغلبية وانتوا كم طوطو تجمعتوا بالساحة !
الثورة تحتاج لنهاية وهدف لما يتم تحقيقه تنجح الثورة و انتوا هدفكم ما تعرفون طريقه لا هدف ولا غايه !
اصحوا
الناس مختبه والكل يراقبكم وش بتسوون تاليتها خليتونا و رحتوا تشوفون ارسنال وبرشلونه !!
هذا حد تفكيركم !
صرتوا مثل اليمن من يظلم الليل هدوا ثورتهم و راحوا يخزنون القات !!
انا امس كنت موجود واستحيت يوم قفرتوا بوجهي ورحتوا دواوينكم كل واحد طاق له وجبه و دازه وانا اطلعكم
انا مع اسقاط ناصر المحمد لكن يا جماعه خل يخطئ وتالي انتجمع انما نقلد مصر وتونس وليبيا فانا مو معاكم
كتلة العمل الوطني هي الوحيده من الكتل التي توزن الامور صحيح قراراتهم بطيئه لكن صائبه
انما كتلة العمل الشعبي من طق طبله قالوا احنا قبله
الركاده
اي قضية صادقة راح تلقون اجماع عليها
اما قضاياكم اللي مالها اي هدف ولا مضمون فلن تلقون احد يصف وياكم
الكلام من الاخر واللي يجمد على الشارب
النواب اللي الحين يبون يصنعون امجاد وهم ابطال من ورق ويبون يردون بطولات دواوين الاثنين
ذاك زمن وهذا زمن ولكل زمان دولة ورجال
تبون توصلون مواصيل السعدون والفضالة والمنيس و الربعي والجوعان وحبيب مناور و الشريعان وغيرهم وايد
ترى ماتقدرون
والثيران اليهال يبون يردون امجاد نبيها خمس هم ماراح تقدرون
نبيها خمس قضية كل الكويتيين اما قضيتكم فما نعرفها
كل يوم تسون لنا تجمع وندوه يمكن تصدف معاكم
تراكم لجيتونا الله يلجكم
هاتوا قضية صح واحنا كلنا معاكم وشوفوا وقتها وشراح يصير
ليست هناك تعليقات:
إرسال تعليق